連續放咗幾日假，雖然未至於暴飲暴食，但一定比平日食多咗食濃味咗，假期去到尾聲，又係時候開始重拾健康。...

連續放咗幾日假，雖然未至於暴飲暴食，但一定比平日食多咗食濃味咗，假期去到尾聲，又係時候開始重拾健康。

呢排天氣時凍時熱，又濕度高，所以煲咗呢個佛手瓜節瓜粟米湯清熱一下。

好多瓜，包括冬瓜、青瓜，毛瓜等，都含有豐富鉀質，有助袪濕去水腫，所以夏天好多人鍾意煲個冬瓜盅消暑。

今次我煲佛手瓜加節瓜，因為節瓜煲一陣就會溶晒，反而佛手瓜比較實淨，兩種瓜一齊煲，又夠味又有湯渣吃。

大家呢？放完假有無肥咗呀？

---